კახეთის საინფორმაციო ცენტრის ინფორმაციით, 2 ოქტომბრის შუალედურ საპარლამენტო არჩევნებში, თელავის საარჩევნო ოლქში, "ქრისტიან - დემოკრატიული მოძრაობიდან" კენჭი, შესაძლოა, ტელეკომპანია „იმედის" კახეთის ბიუროს ყოფილმა ჟურნალისტმა ჟანა დიდებაშვილმა იყაროს.
აღნიშნულს ამ ეტაპზე არ ადასტურებს ქდმ-ის საზოგადოებასთან ურთიერთობის სამსახურის ხელმძღვანელი ჯონი კალანდაძე, რომლის მტკიცებითაც, „ქრისტიან დემოკრატიულ მოძრაობას" ჯერ კანდიდატურა არ ჰყავს.
ჟანა დიდებაშვილი ამჟამად ს/ს „კახეთის ენერგოდისტრიბუციის" საზოგადოებასთან და მასმედიასთან ურთიერთობის მენეჯერად მუშაობს. მანამდე ის სხვადასხვა დროს ტელერადიოკომპანია „იმედის" და „პირველი არხის" კახეთის ბიუროებში ჟურნალისტად მუშაობდა.
