სასტუმრო "აფხაზეთში" მცხოვრები დევნილების პრობლემებთან დაკავშირებით "თავისუფალი დემოკრატები" პასუხისმგებლობას მინისტრ კობა სუბელიანს აკისრებენ.
როგორც"თავისუფალი დემოკრატების" ერთ-ერთმა ლიდერმა ზურაბ აბაშიძემ განსახლების სამინისტროსთან დევნილების მიერ გამართულ აქციაზე აღნიშნა, დევნილებს უნდა განუმარტონ, რა ბედი ელით და ვინ იყიდა სასტუმრო "აფხაზეთი".
"მათ უთხრეს, რომ 10 დღეში უნდა დაეცალათ სასტუმრო და ისიც აცნობეს, რომ სასტუმრო უკვე გაყიდულია. მთავარია გამოჩნდეს, ვინ იყიდა სასტუმრო და რას სთავაზობს დევნილებს ახალი მფლობელი. მთლიანი პასუხისმგებლობა ეკისრება სუბელიანს", - განაცხადა აბაშიძემ.
