ირაკლი ალასანია დაბა ჩოხატაურის, ბუკისციხისა და ხიდისთავის მცხოვრებელებს შეხვდა და არსებულ პრობლემებს გაეცნო. "თავისუფალი დემოკრატების" ლიდერის განცხადებით, ადგილობრივები ყველაზე მეტად უმუშევრობით არიან შეწუხებულები.
„დასაქმების საკითხთან ერთად, მოსახლეობას მოუწესრიგებელი შიდა გზები, ტრანსპორტირებასა და მეურნეობის განვითარებასთან დაკავშირებული პრობლემები აწუხებთ."ნაციონალურმა მოძრაობამ" ეს რაიონი უპატრონოდ დატოვა. აქ მაცხოვრებლებს შრომა უნდათ, მაგრამ თვითრეალიზების საშუალება არ აქვთ", - განაცხადა ალასანიამ და აღნიშნა, რომ ეს დამოკიდებულება უნდა შეიცვალოს, რათა აღარ იყოს ორი საქართველო - ერთი, მიხეილ სააკაშვილისა და "ნაცმოძრაობის" და მეორე - დანარჩენი საქართველო.
"თავისუფალი დემოკრატების" ლიდერი დარწმუნებულია, რომ ამის მიღწევა შეიძლება მხოლოდ იმ ცვლილებით, რომელიც არჩევნების გზით განხორციელდება.
"თუ ჩვენ გვინდა შევცვალოთ ცხოვრების წესი, პირველ რიგში უნდა შევცვალოთ "ნაციონალური მოძრაობა" არჩევნების გზით", - განაცხადა "თავისუფალი დემოკრატების" ლიდერმა მოსახლეობასთან შეხვედრისას.
ირაკლი ალასანია გუშინ ოზურგეთის რაიონის მცხოვრებლებს შეხვდა, ხვალ კი გორის რაიონის სოფლებს ეწვევა.
