ქობულეთში წლის ბოლომდე კომპანია ,,V&T Agro'' სასათბურე მეურნეობის მშენებლობას დაასრულებს.
აჭარის სოფლის მეურნეობის სამინისტროს ინფორმაციით, ,,V&T Agro''-ს საქმიანობის ძირითადი მიმართულება სასათბურე პირობებში ბოსტნეული კულტურების წარმოებაა, რისთვისაც მაისში კომპანიის მიერ ისრაელიდან შემოტანილი იქნა 1 ჰა-სთვის საჭირო თანამედროვე ტიპის სასათბურე მეურნეობის კონსტრუქცია. მისი დამონტაჟება უკვე დასრულებულია.
სამინისტროს ინფორმაციით, უახლოეს პერიოდში დაიწყება სასათბურე მეურნეობის შიდა ინფრასტრუქტურის სამონტაჟო სამუშაო. სამუშაოს სრულყოფილად ჩატარების მიზნით ისრაელიდან ჩამოყვანილი არიან შესაბამისი სპეციალისტები, რომლებიც კოორდინაციას უწევენ მიმდინარე სამუშაოს.
