გრძელვადიანი პერიოდში მთავრობა ფისკალური მდგომარეობის კიდევ უფრო გაუმჯობესება გეგმავს, რაც ეკონომიკური ზრდის მაღალი ტემპის შენარჩუნებას და მაკროეკონომიკურ სტაბილურობას უზრუნველყოფს. "ქვეყნისQძირითადი მონაცემები და მიმართულებები 2012-2015 წლებისათვის" (BDD) პირველად ვარიანტში ნათ჻ვამია, რომ 2012-2015 წლებისთვის დაგეგმილია ხარჯების მიმართვა ისეთ პრიორიტეტულ მიმართულებებზე, როგორიცაა სოციალური სფერო, განათლება, სოფლის მეურნეობა, ინვესტიციები ინფრასტრუქტურის განვითარებისათვის, უსაფრთხოება და მართლწესრიგი. 2012-2015 წლებში იგეგმება ასევე, ბიუჯეტის დეფიციტის ეტაპობრივი შემცირება და 2013 წლისთვის 3%-იან ნიშნულამდე ჩამოყვანა;
სტატისტიკის ეროვნული სამსახურის მონაცემებით 2010 წელს ქვეყნის ეკონომიკაში დასაქმებულთა რაოდენობამ 1 628,1 ათასი კაცი შეადგინა. დასაქმებულთა 38.0 პროცენტი დაქირავებით იყო დასაქმებული, ხოლო 61.9 პროცენტი კი თვითდასაქმებული. 2010 წელს 2009 წელთან შედარებით უმუშევართა რაოდენობა 0.6 პროცენტით შემცირდა და უმუშევრობის დონემ 16.3 პროცენტი შეადგინა. საპროგნოზო პერიოდში მოსალოდნელია უმუშევრობის დონის შემცირება. 2011-2015 წლებში უმუშევრობის შემცირება ძირითადად განხორციელდება ეკონომიკური ზრდის ხარჯზე.
2010 წელს 2009 წელთან შედარებით ნაერთი ბიუჯეტის შემოსავლების წილმა მშპ-ის მიმართ 1.1 პროცენტული პუნქტით მოიკლო. ხოლო, ნაერთი ბიუჯეტის მიმდინარე ხარჯების წილი მშპ-ის მიმართ 2.6 პროცენტული პუნქტით შემცირდა.
2010 წელს, წინა წელთან შედარებით, 1.2 პროცენტული პუნქტით გაიზარდა მთავრობის ვალის წილი მშპ-თან მიმართებაში და 42.3 პროცენტს გაუტოლდა. მშპ-ს მიმართ მთავრობის ვალის ზრდა ძირითადად დაკავშირებული იყო 2008 წლის ბრიუსელის დონორთა კონფერენციის შემდეგ მიღებული კრედიტების ათვისებასთან, რომლითაც განხორციელდა მსხვილი ინფრასტრუქტურული პროექტები, რამაც საქართველოს ეკონომიკის ზრდის ტემპები მნიშვნელოვნად დააჩქარა.