გამოცდების ეროვნული ცენტრი ერთიანი ეროვნული გამოცდების შედეგების გამოქვეყნებას განაგრძობს. უცხოური ენის გამოცდის შედეგები დღეს, 1-ელ აგვისტოს, 14:00 საათიდან გამოქვეყნდება.
შედეგები გამოცდების ეროვნული ცენტრის ვებ-გვერდზე www.naec.ge; online.naec.ge განთავსდება. საკუთარი ნაშრომისა და შეფასების ნახვას აბიტურიენტები სპეციალური საძიებო სისტემის მეშვეობით შეძლებენ.
გარდა ამისა, ყველა მობილური ოპერატორის აბონენტი საკუთარ შედეგს შეიტყობს მოკლე ტექსტური შეტყობინებით. ამისათვის მათ აბიტურიენტის კოდი უნდა გააგზავნონ ნომერზე 6232.
