ქართულ ავიაბაზარს კიდევ ერთი რუსული ავიაკომპანია უერთდება. რუსული ავიაკომპანია "ურალის ავიახაზები" 24 აგვისტოდან, საქართველოს მიმართულებით ავიარეისებს გაანახლებს. რეისები ეკატერინბურგიდან თბილისისი მიმართულებით შესრულდება. ავიაკომპანია ფრენებს დაიწყებს ასევე მოსკოვი-ქუთაისის მიმართულებით.
ეკატერინბურგი-თბილისის ავიარეისი კვირაში ერთხელ შესრულდება და ბილეთის ღირებულება (ერთი გზა) 175 ევრო ეღირება, ხოლო ქუთაისის მიმართულებით 155 ევრო.
"ურალის ავიახაზებმა" ბოლო რეისი საქართველოს მიმართულებით 2001 წელს განახორციელა.
შეგახსენებთ, რომ ამ დროისათვის რუსეთ-საქართველოს შორის ავიარეისებს ქართული ავიაკომპანია "აირზენა" და რუსული ავიაკომპანია "სიბირი" ახორციელებენ.
