მთავრობის პროგნოზით, 2012-2015 წლებისათვის სამომხმარებლო ფასების საშუალო წლიური ცვლილება 6-7 პროცენტის ფარგლებშია მოსალოდნელი, ამის შესახებ "ქვეყნისQძირითადი მონაცემები და მიმართულებები 2012-2015 წლებისათვის" დოკუმენტშია (BDD) აღნიშნული.
BDD-ში აღნიშნულია, რომ 2011 წლისათვის სამომხმარებლო ფასები სავარაუდოდ 7 პროცენტით გაიზრდება. 2012-2015 წლებისათვის სამომხმარებლო ფასების საშუალო წლიური ცვლილება კი 6.0 პროცენტის ფარგლებშია მოსალოდნელი. მთავრობაში მიიჩნევენ, რომ საპროგნოზო პერიოდში მოსალოდნელია ფულის მიმოქცევის სიჩქარის შემცირება როგორც M3-თვის, ისე M2-თვის. ფულის მულტიპლიკატორებისათვის კი ზრდის ტენდეციაა მოსალოდნელი.
შეგახსენებთ, რომ 2010 წლის დეკემბერში, 2009 წლის დეკემბერთან შედარებით, სამომხმარებლო ფასები 11.2 პროცენტით გაიზარდა, ხოლო სამომხმარებლო ფასების საშუალო წლიურმა მაჩვენებელმა 7.1 პროცენტით მოიმატა.
2010 წლის ინფლაციაზე მნიშვნელოვანი გავლენა სამომხმარებლო კალათის ერთმა სასაქონლო ჯგუფმა მოახდინა. სურსათმა და უალკოჰოლო სასმელებმა ფასების საერთო დონე 9.5 პროცენტით გაზარდა.
