2012 წლის საპარლამენტო და 2013 წლის საპრეზიდენტო არჩევნებისთვის თბილისის ანძიდან პრეზიდენტი სააკაშვილი ყველა არასასურველი ტელე და რადიო კომპანიებს გაათიშვინებს, - ამის შესახებ ცაგარეიშვილმა დღეს, პარლამენტში საქართველოს ტელე-რადიო ცენტის მმართველობაში გადაცემასთან დაკავშირებული ონლაინ აუქციონის შესახებ ჩატარებული პრესკონფერენციის დროს განაცხადა.
მისი თქმით, საპარლამენტო და საპრეზიდენტო არჩევნებამდე ხელისუფლება სრულიად შეგნებულად თბილისის ანძას ასხვისებს.
"ეს მხოლოდ იმიტომ, რომ ახალმა მფლობელმა სააკაშვილის სურვილისამებრ ისეთი გადასახადები დააწესოს, რომლის გადახდას ტელეკომპანიები "კავკასია" და "მაესტრო" და მისთვის არასასურველი რადომაუწყებლები ვერ შესძლებენ, შესაბამისად თავისუფალი მედიის პრობლემას ამით მოიგვარებს, რაც მისთვის დღემდე გადაულახავი აღმოჩნდა", - აღნიშნა ცაგარეიშვილმა.
მისი თქმით, ფრაქცია თავის მოღვაწეობას სწორედ თავისუფალი მედიის დაცვით იწყება, რადგან მიხეილ სააკაშვილმა ყველა და ყველაფერი გადალახა, გარდა მედიისა და ეს კიდევ ერთხელ ფოტორეპორტიორების საქმესთან დაკავშირებითაც გამოჩნდა.
