"დემოკრატიული მოძრაობის" ლიდერმა ნინო ბურჯანაძემ პოლონეთის პრეზიდენტ ბრონისლავ კომოროვსკის იმის დამადასტურებელი დოკუმენტაცია გადასცა, რომ "საქართველოში ყველაფერი ისე არ არის, როგორც ჩანს".
"პრეზიდენტს გადავეცი ოფიციალური დოკუმენტაცია, რომელიც გახლავთ იმ სიტყვების დამადასტურებელი, რაზეც მე პარლამენტის თავმჯდომარეობის დროსაც ვსაუბრობდი - რომ საქართველოში უამრავი პრობლემაა და ვუთხარი, რომ ევროპამ უნდა დაინახოს რეალობა, რომელიც საქართველოშია", - განუცხადა ბურჯანაძემ ჟურნალისტებს.
აღსანიშნავია, რომ პოლონეთის პირველმა პირმა დღესვე სხვა ოპოზიციური პარტიების ლიდერები, ასევე ექსპერტები და სახალხო დამცველი მიიღო.
