საქართველოს პრეზიდენტმა ბათუმში პოლონელი კოლეგა მიიღო. საქართველოში ჩამოსვლისთანავე პოლონეთის პრეზიდენტის ესკორტი პიაცას მოედნისკენ გაემართა, სადაც ბრონისლავ კომოროვსკის საზეიმო დახვედრა მოუწყვეს.
მოგვიანებით, ბათუმის იუსტიციის სახლში სამთავრობო დონეზე გაფართოებული შეხვედრა გაიმართა, რომელიც პროტოკოლით გათვალისწინებულზე დიდხანს გაგრძელდა.
პოლონეთის პირველი პირი პირველი ოფიციალური ვიზიტით საქართველოს დღეს ეწვია. ის ვიზიტის ფარგლებში ქვეყნის ხელისუფლების უმაღლესი პირების გარდა საქართველოში ევროკავშირის სადამკვირვებლო მისიის პოლონელ წარმომადგენლებსაც ეწვევა.
