„რესპუბლიკური პარტიის" ლიდერის დავით უსუფაშვილის აზრით, ხელისუფლების მიერ შეთავაზებულ წინადადებებზე დათანხმება „სხვა ბევრ რამეზე დათანხმებასაც" ნიშნავდა.
„პოლიტიკურ ცხოვრებაში შეთავაზების ფორმას არანაკლები მნიშვნელობა აქვს ვიდრე შინაარს. ხელისუფლების შეთავაზება კი იყო ულტიმატუმი. როცა ამ ფორმას ეთანხმები, მაშინ სხვა ბევრ რამესაც თანხმდები - ვგულისხმობ თამაშის წესებს", - განაცხადა უსუფაშვილმა დღეს, საზოგადოების წარმომადგენლებსა და „ექსვსეულის" ლიდერებს შორის, „თბილისი-მარიოტში" გამართულ შეხვედრაზე.
მისივე განმარტებით, სწორედ აღნიშნულიდან გამომდინარე, „ექვსეულის" შემადგენლობაში მყოფი ძალები მმართველი გუნდის შეთავაზებებს „არ და ვერ დათანხმდებოდნენ".
რაც შეეხება შეთანხმებაში ჩადებულ მილიონ ლარს, რომელსაც საარჩევნო კამპანიის დასაფინანსებლად ყველა კვალიფიციური პარტია მიიღებს, უსუფაშვილის შეფასებით, „ეს არის უმდაბლესი ფასი, რომელიც ხელისუფლებამ გარკვეული ძალების გზიდან ჩამოსაშორებლად გადაიხადა".