საქართველო რუსეთის ფედერაციას გაეროს მართლმსაჯულების საერთაშორისო სასამართლოს მოთხოვნის თანახმად მოლაპარაკების დაწყებას სთავაზობს.
როგორც დღეს, საგარეო საქმეთა მინისტრის მოადგილემ ნინო კალანდაძემ ტრადიციულ ბრიფინგზე განაცხადა, დღეს საქართველოს საგარეო საქმეთა სამინისტრო შვეიცარიის საელჩოს ოფიციალურ ნოტას გადასცემს, რომლითაც დაფიქსირდება, რომ საქართველო მიუხედავად ყველაფრისა მზად არის აწარმოოს მოლაპარაკებები კონვენციის უფლების დარღვევის თაობაზე.
მისვე თქმით, ქართული მხარე იმედს იტოვებს, რომ დავის მოგვარება ქვეყნებს შორის მოლაპარაკებების ფარგლებში შესაძლებელი იქნება.
ამასთან, კალანდაძემ განმარტა, რომ 2011 წლის 1-ელ აპრილს გაეროს მართლმსაჯულების საერთაშორისო სასამართლომ გამოიტანა გადაწყვეტილება, რომლითაც დადგინა რუსეთ-საქართველოს შორის დავის არსებობა, თუმცა ამავდროულად ქართულ მხარეს მოუწოდა რუსეთის მხრიდან კონვეციის დებულების დარღვევის ფარგლებში მათთან აწარმოოს მოლაპარაკება დავის აღმოფხვრის მიზნით, სანამ სასამართლო საბოლოო გადაწყვეტილებას.
