ევროკავშირი რუსეთს საქართველოს ტერიტორიიდან ჯარის გაყვანისა და სამშვიდობო შეთანხმების შესრულებისკენ კიდევ ერთხელ მოუწოდებს.
განცხადება ამის შესახებ საქართველოში ევროკავშირის სადამკვირვებლო მისიის ხელმძღვანელმა ჰანს იორგ ჰაბერმა "როიტერისთვის" მიცემულ ინტერვიუში გააკეთა.
მან ხაზგასმით აღნიშნა, რომ რუსეთის საოკუპაციო ძალების წარმომადგენლების საქართველოს ტერიტორიაზე ყოფნა საერთაშორისო ნორმების და 6-პუნქტიანი შეთანხმების უხეში დარღვევაა.
"ამის აშკარა მაგალითი პერევის საგუშაგოა, სადაც ომიდან ერთი წლის შემდეგაც რუსი სამხედროები უკანონოდ დგანან", - განაცხადა მან.
ამასთან, საქართველოში ევროკავშირის სადამკვირვებლო მისიის ხელმძღვანელის შეფასებით, საქარველოს ტერიტორიის დეოკუპაცია აუცილებელია და ის რაც შეიძლება სწრაფად და მშვიდობიანად უნდა განხორციელდეს.
