სარეიტინგი სააგენტომ Fitch Ratings-ი 2 ივნისს გამოქვეყნებულ სპეციალურ ანგარიშში აღნიშნა, რომ დაკრედიტების ზრდის მართვა, ან დაკრედიტების შემცირება განვითარებადი ქვეყნების ბანკების და მარეგულირებლების მთავარი ამოცანა უნდა გახდეს.

ანგარიშში აღნიშნულია, რომ აღმოსავლეთ-ცენტრალური ევროპის და დსთ-ის მრავალ სახელმწიფოს კვლავ მაღალი ლევერაჟი აქვს და კრედიტების გაუფასურების მაჩვენებლების სტაბილიზაცია ზოგიერთ ამ ქვეყანაში მხოლოდ 2011 წელს არის მოსალოდნელი.
სააგენტოს ანალიტიკოსებს მიაჩნიათ, რომ 2010 წლის მეორე ნახევარში და მიმდინარე წლის პირველ კვარტალში დაკრედიტების მაღალი შენარჩუნდა ჩინეთში, თურქეთში, ინდოეთში და ბრაზილიაში. მარეგულირებლები ტემპის შეჩერებას სარეზერვო მოთხოვნებით და სხვა ზომებით ცდილობენ. ამ დროისათვის დაკრედიტების ტემპის შენელების მხოლოდ შეზღუდული ნიშნებია და მათი შედეგი მხოლოდ 2011 წლის მეორე ნახევარში გამოჩნდება. Fitch-ში თვლიან, რომ დაკრედიტების ზრდით გამოწვეული რისკები განსაკუთრებით გამოხატულია ჩინეთში, სადან მაღალია კრედიტების შეფარდება მთლიან შიდა პროდუქტთან, ცუდი ხარისხისაა კრედიტების ანდერრაიტინგი და არც თუ ისე მათალია კაპიტალიზაციის მაჩვენებელი.

სხვა ბაზრებზე (არგენტინა, სომხეთი, კოლუმბია, საქართველო, ინდონეზია, პერუ და ვენესუელა) რისკებს ამცირებს კრედიტების მშპ-თან შეფარდების დაბალი მაჩვენებელი, დაკრედიტების კარგი მარჟა და ეკონოკური ზრდის შთამბეჭდავი, ან მაღალი მაჩვენებელი (ვენესუელას გამოკლებით). ამ სისტემების კაპიტალიზაცია მთლიანობაში ადექვატურია, ხოლო კრედიტების დეპოზიტებთან შეფარდების მაჩვენებელი 100%-ზე დაბალი (ბრაზილიაში მეტია).

ანგარიშში აღნიშნულია, რომ ცენტრალურ-აღმოსავლეთ ევროპაში და დსთ-ში ეკონომიკური ზრდის მიუხედავად, 2010 წელს კრედიტების გაუფასურების მაჩვენებელი მკვეთრად გაიზარდა ბულგარეთში, რუმინეთში, უკრაინაში ად ასევე გაიზარდა ხორვატიაში, ლატვიაში, უნგრეთში.