უკრაინის პრემიერ-მინისტრმა იულია ტიოშენკომ ტელეარხ TRK-ზე გამოსვლისას განაცხადა, რომ იგი არასოდეს აღიარებს აფხაზეთისა და სამხრეთ ოსეთის დამოუკიდებლობას.
ტელეეთერში მან ასევე განმარტა თავისი რეაქცია რამდენიმე ხნის წინ მისი და ვლადიმერ პუტინის შეხვედრისას რუსეთის პრემიერის მიერ იუშენკოსა და სააკაშვილზე გაოთქმული ხუმრობის გამო.
"არასოდეს არც მე და არც ჩემი პოლიტიკური გუნდი არ ვაღიარებთ იმ საკითხებს, რომლებიც საქართველოს ტერიტორიის გაყოფას ეხება. ჩვენ მხოლოდ ვაღიარებთ საქართველოს, როგორც ტერიტორიულად ერთიან სახელმწიფოს" - განაცხადა ტიმოშენკომ და დასძინა _ "ეს ჩვენთვის წმინდა საკითხია, რადგანაც უკრაინასთანაც ძალიან არაადეკვატური დამოკიდებულებაა და მუდმივად ვიღაცას სურს ჩვენი ტერიტორიების ხელყოფა".
მისივე თქმით, მისი სიცილი პუტინის კომენტარისას პრეზიდენტ მიხეილ სააკაშვილის ჰალსტუხთან დაკავშირებით გამოთქმულ ხუმრობას არ უკავშირდებოდა.
"მინდა გითხრათ რომ მე არასოდეს არ ვაიგივებ პოლიტიკოსს ქვეყანასთან. ქვეყანა ეს ქვეყანაა. რაც შეეხება საუბარს პუტინთან პრესკონფერენციაზე სიმართლე რომ ვთქვა მე ვერთობოდი არა მისი სიტყვებით. მე ვთქვი საერთოდ სხვა რამ. მე ვთქვი, როგორც ქალს ზოგჯერ მეც მინდა შევჭამო ჰალსტუხი, მაგრამ დიდება უფალს, რომ ის არ მაქვს " - განაცხადა მან.
