საპარლამენტო უმრავლესობისთვის ოპოზიციის მოთხოვნა თვითმმართველ ქალაქებში მერის პირდაპირი წესით არჩევნებთან დაკავშირებით მიუღებელია. ამის შესახებ განცხადება პარლამენტის ვიცესპიკერმა მიხეილ მაჭავარიანმა დღეს სესიაზე მას შემდეგ გააკეთა, რაც `ქრისტიან-დემოკრატების~ წარმომადგენელმა ლევან ვეფხვაძემ კიდევ ერთხელ გააჟღერა მისი პოლიტიკური ძალის მოთხოვნა, რომ თვითმმართველ ქალაქებში მაინც მოხდეს მერის პირდაპირი წესით არჩევა, რაც, მისი თქმით, გაზრდის თვთიმმართველობის დამოუკიდებლობის და საზოგადოებისადმი ანგარიშვალდებულების ხარისხს.
მაჭავარიანი კი იმას აცხადებს, რომ `ევროპაში პირდაპირ არჩეულ მერებს სუსტ მერად მიიჩნევენ.~
მისი თქმით, საკრებულოს მიერ არჩეულ მერს ყოველთვის მეტი უფლება აქვს, რაც პრობლემების გადაწყვეტისთვის უმჯობესია.
,,ჩვენი ამოცაანა უნდა იყოს რა ჯობია საქართველოსთვის და კონკრეტულად მუნიციპალიტეტებისთვის, პრობლემები წყდებოდეს თუ იყოს ჩხუბი? ნაკლები პრობლემა ჰქონდეს ამომრჩეველს. Pპრობლემა, რომელიც სოფელში არსებობს სოფელში უნდა გადაწყდეს, ქალაქში არსებული ქალაქში მოგვარდეს, ხოლო ნარჩენი პრობლემები ცენტრალურ ხელისუფლებაში წყდებოდეს. პოლიტიკურ დაპირისპირებებს სჯობს საქმის კეთება", - განაცხადა მაჭავარიანმა.
