რეინტეგრაციის საკითხებში სახელმწიფო მინისტრი თემურ იაკობაშვილი ეხმაურება რუსეთის პრეზიდენტის განცხადებას საჰაერო მიმოსვლის აღდგენასთან დაკავშირებით. როგორც იაკობაშვილმა მთავრობის სხდომის დაწყების წინ განაცხადა, თუკი საჰაერო მიმოსვლა აღდგება, ეს დადებითი ფაქტი იქნება რუსეთში მცხოვრები ქართველებისთვის.
რეინტეგრაციის საკითხებში სახელმწიფო მინისტრი მიიჩნევს, რომ რუსეთმა საქართველოსთან ურთიერთობების ნორმალიზება საქართველოს ტერიტორიის დეოკუპაციით უნდა დაიწყოს.
"პოლიტიკოსების საქმეა, ხელი შეუწყონ ნორმალურ ურთიერთობებს და არა შეუშალონ. თუ საჰაერო მიმოსვლა აღდგება, კარგია, რადგან რუსეთში ჩვენი ქვეყნის შვილები ცხოვრობენ და ჩვენთვის სულ ერთი არ არის, რა გზით ივლიან ისინი. რუსეთმა ურთიერთობების ნორმალიზება საიდანაც უნდა, იქიდან დაიწყოს, მთავარია რომ მათ ჩვენი ქვეყნის დეოკუპაცია განახორციელონ", - განაცხადა იაკობაშვილმა.
