2011 წლის იანვარ-აპრილში, საქართველოს 674 409 ვიზიტორი ესტუმრა, რაც წინა წლის ანალოგიურ მაჩვენებელს 43%-ით აღემატება. ეკონომიკისადა მდგრადი განვითარების სამინისტროს ინფორმაციით, 2011 წლის ოთხ თვეში, ევროპის ქვეყნებიდან (დსთ-ს ქვეყნების გარეშე) საქართველოში 239 489 ვიზიტორი შემოვიდა (შემოსულ ვიზიტორთა 35,5%), რაც გასულ წელთან შედარებით 42%-ით მეტია.
2011 წლის იანვარ-აპრილში, დსთ-ს ქვეყნებიდან შემოსულია 410 759 ვიზიტორი (ვიზიტორთა 60,9%), რაც 2010 წლის ანალოგიურ მაჩვენებელზე 44%-ით მეტია. მიმდინარე წლის ოთხ თვეში, ამერიკიდან შემოვიდა 6 493 ვიზიტორი (შემოსულ ვიზიტორთა 1%), რაც 2010 წლის ანალოგიურ მაჩვენებელზე 14%-ით მეტია, აზიის ქვეყნებიდან _ 16 237 ვიზიტორი (შემოსულ ვიზიტორთა 2,4%), რაც წინა წლის ანალოგიურ მაჩვენებელს 64%-ით აღემატება, აფრიკიდან _ 427 ვიზიტორი (შემოსულ ვიზიტორთა 0,1%), რაც გასული წლის მაჩვენებელს 69%-ით აღემატება, ხოლო დანარჩენი მსოფლიოდან - 1 004 ვიზიტორი (ვიზიტორთა 0,1%), რაც გასული წლის მაჩვენებელს 15%-ით აღემატება. 2011 წლის იანვარ-აპრილში, დსთ-ს ქვეყნებიდან შემოსულ ვიზიტორთა (410 759) უდიდესი ნაწილი აზერბაიჯანზე მოდის.
კერძოდ, აზერბაიჯანიდან შემოვიდა 189 018 ვიზიტორი (დსთ-ს ქვეყნების ვიზიტორთა 46%), რაც გასული წლის ოთხი თვის ანალოგიურ მაჩვენებელს 38%-ით აღემატება. სომხეთიდან შემოვიდა 148 837 ვიზიტორი (დსთ-ს ვიზიტორების 36%), რაც გასული წლის ანალოგიურ მაჩვენებელთან შედარებით 52%-ით მეტია.