აჭარის იანვარ-აპრილის ბიუჯეტი 19,5 %-იანი გადაჭარბებით შესრულდა. როგორც სააგენტო "ჯი-ეიჩ-ენს" აჭარის ფინანსთა და ეკონომიკის სამინისტროდან აცნობეს, ოთხი თვის გეგმა 36 მლნ. 440 ათას 700 ლარი იყო, თუმცა შესრულებამ 43 მლნ. 545 ათას 800 ლარი შეადგინა.
საბიუჯეტო მაჩვენებლების მიხედვით, რეგიონის ბიუჯეტის გადასახადების მუხლი 115,1 %-ითაა შესრულებული, სხვა შემოსავლების მუხლი 135,1 %-ითა შესრულებული. ხოლო რაც შეეხება არაფინანსური აქტივების მუხლს, აქ 16,7 %-იანი გარღვევაა და იანვარ-აპრილის მონაცემებით გეგმა მხოლოდ 83,3 %-ითაა შესრულებული.
რაც შეეხება აჭარის მუნიციპალიტეტების ბიუჯეტებს, ყველაზე დიდი გადაჭარბება ქობულეთის ბიუჯეტს აქვს. სტატისტიკური ინფორმაციის მიხედვით, ქობულეთის ბიუჯეტი იანვარ-აპრილის მონაცემებით 559 %-ითაა შესრულებული.