ვარშავა საქართველო-პოლონეთის ეკონომიკური თანამშრომლობის ერთობლივი მთავრობათაშორისი კომისიის სხდომას მასპინძლობს.
როგორც საგარეო საქმეთა სამინისტროში გამართულ ბრიფინგზე მინისტრის მოადგილემ ნინო კალანდაძემ განაცხადა, იგეგება საქართველო-პოლონეთს შორის ეკონომიკური თანამშრომლობის ფართო სპექტრის განხილვა.
"იმედია შევძლებთ პოლონეთთან ეკონომიკური თანამშრომლობის გაღრმავებას", - განმარტა კალანდაძემ.
კომისიის სხდომაში ქართული მხრიდან ეკონომიკის, საგერო და სოფლის მეურნეობის სამინისტროების და ტურიზმის ეროვნული სააგენტოს წარმომადგენლები მონაწილეობენ.
შეგახსენებთ, რომ კომისია საქართველოს მთავრობასა და პოლონეთის რესპუბლიკის მთავრობას შორის 2007 წლის 5 ნოემბერს ხელმოწერილი "ეკონომიკური თანამშრომლობის შესახებ" შეთანხმების შესაბამისად შეიქმნა.