არქეოლოგებმა, დედოფლისწყაროს სოფელ საბათლოში სამდღიანი დაზვერვითი ექსპედიცია დაასრულეს. სოფელში ერთი თვის წინ შემთხვევით ქვის სვეტის ბაზისი აღმოჩნდა, რომელიც კერძო მიწის ნაკვეთზე ხვნის დროს დაფიქსირდა.
აღმოჩენის შემდეგ გაჩნდა ეჭვი, რომ ქვის სვეტი ტაძრის ან სასახლის ფრაგმენტია. რეალურია თუ არა ეს ვერსია, ამას არქეოლოგიური გათხრები დაადგენს.
გათხრები სექტემბრიდან განახლდება. მანამდე კი აღმოჩენის ადგილზე მიწის დამუშავება დროებით შეჩერებულია.