აპრილის თვეში სარეგისტრაციო ტრანზაქციების თვის ინდექსიც (დეკემბერი 2007=100) გაიზარდა და 1.260 დონეზე დაფიქსირდა, რაც წინა წლის იმავე თვის ინდექსს (1.056) მნიშვნელოვნად აღე-მატება.
საჯარო რეესტრის ეროვნული სააგენტოს ინფორმაციით, აშკარაა, რომ უძრავი ქონების პირველადი და მეორადი ბაზრები შემცირდა წინა თვესთან (შესაბამისად 9.9%-ით და 33.2%-ით) შედარებით. ამასთან, წინა წლის იმავე თვესთან შედარებით უძრავი ქონებისპირველადი ბაზარი შემცირდა (19.8%-ით), ხოლო მეორადი ბაზარი გაიზარდა (32.1%-ით). 2011 წლის აპრილის თვეში პირველადი სარეგისტრაციო ტრანზაქციების რაოდენობამ - 6 462, ხოლო მეორადი სარეგისტრაციო ტრანზაქციების რაოდენობამ - 32 619 ერთეული შეადგინა; სარეგისტრაციო ტრანზაქციების თვის ინდექსი (დეკემბერი 2007=100) კი პირველადი და მეორადი სარეგისტრაციო ტრანზაქციების მიხედვით შესაბამისად 0.695 და 1.502 დონეებზე დაფიქსირდა.
რაც შეეხება პირველად და მეორად სარეგისტრაციო ტრანზაქციებს შორის თანაფარდობას, მნიშვნელოვნად გაიზარდა მეორადი სარეგისტრაციო ტრანზაქციების წილი: ა.წ. აპრილის თვეში განხორციელებული სარეგისტრაციო ტრანზაქციების 83.5%-ს მეორადი, ხოლო 16.5%-ს - პირველადი სარეგისტრაციო ტრანზაქციები შეადგენდნენ (2010 წლის აპრილის თვეში კი - შესაბამისად 75.4% და 24.6%).