ე.წ. სამხრეთ ოსეთის ბეჭდვისა და ინფორმაციის კომიტეტის ინფორმაციით, ე.წ. სამხრეთ ოსეთში მწვავე რასპირატორული ვირუსული ინფექციის გამო სასწავლო დაწესებულებებში მოსწავლეთა 29% არ გამოცხადდა. ამის გამო ედუარდ კოკოითის სეპარატისტული მთავრობის ე.წ. განათალების სამინისტრომ სკოლებსა და სკოლამდელი აღზრდის დაწესებულებებში სასწავლო პროცესის შეჩერების გადაწყვეტილება მიიღო.
სკოლებში გამოცხადებულია კარანტინი, ხოლო აღნიშნული კარანტინული ღონისძიებები სეპარატისრული სამხრეთ ოსეთის ტერიტორიაზე 17 დეკემბრამდე გაგრძელდება.
ამასთან ერთად, კოკოითის კრიმინალური მთავრობის ე.წ. ჯანდაცვის სამინისტრო ასევე აცხადებს, რომ მიზეზი იმისა, რომ მოსახლეობას შორის პანიკა დაიწყოს არ არსებობს.
"არავითარი პანიკური მდგომარეობა ჩვენთან არ არის. არავითარი ისეთი მძიმე სიტუაცია ჩვენთან არ არის, რომელიც სახელმწიფოს ჩარევას საჭიროებს. ამიტომაც ჩვენ დღეს ვალდებულნი ვართ, რომ გავაკეთოთ ყველაფერი, რომ ეს ჩვენთან არ იყოს.
ე.წ. სამხრეთ ოსეთის ბეჭდვისა და ინფორმაციის კომიტეტი ასევე იუწყება, რომ "H1N1" ვირუსის პროფილაქტიკისათვის და გავრცელების ხელის შეშლისათვის ე.წ. სამხრეთ ოსეთის ბიუჯეტიდამ 9 მილიონი რუსული რუბლია გამოყოფილი.