პრემიერ-მინისტრმა განათლებისა და მეცნიერების ახალი მინისტრი დიმიტრი შაშკინი სამინისტროს თანამშრომლებს წარუდგინა. მანვე განათლების უკვე ყოფილ მინისტრს ნიკა გვარამიას მადლობა გადაუხადა და ხელისუფლების ერთ-ერთი წარმატებული სახე უწოდა.
"დიმა შაშკინი არის კარგი მენეჯერი. მას აქვს კარგი თვისებები დილოაგის წარმოების კუთით. იმ დემოკრატიულ რეფორმებს, რომელსაც ახორციელებდა კვლავ გააგრძელებს და ყველა რეფორმა, რომელიც განათლებასთან არის დაკავშირებული ერთად განვახროციელებთ", _ განაცხადა პრემიერ-მინისტრმა.
პრემიერ-მინისტრის განცხადებით, განათლების სექტორი ქვეყნის მთავარი პრიორიტეტია, რასაც ის ფაქტიც ადასტურებს, რომ 2010 წლის ბიუჯეტში განათლება და ჯანდაცვა არის ის სფეროები, რომლებსაც დაფინანსება გაეზარდათ.
რაც შეეხება დიმიტრი შაშკინს, მისი განცხადებით, გაგრძელდება ის რეფორმები, რომლებიც დაწყებულია განათლების სისტემაში, იქნება ახალი იდეებიც.
