ბათუმის 2011 წლის ბიუჯეტი 11 მილიონი ლარით გაიზარდა. ბათუმის მერიის ინფორმაციით, ბიუჯეტში დამატებითი თანხები პიაცას ირგვლივ შენობებისა და კოშკის გაყიდვის შედეგად შევიდა. სააუქციონო პირობების თანახმად კოშკში სასტუმრო მოეწყობა, რასაც დაახლოებით 7 მილიონი ლარი მოხმარდება. ასევე მოეწყობა კაფე-ბარები და საგამოფენო დარბაზები, რაც პიაცას გააცოცხლებს და კიდევ უფრო მიმზიდველს გახდის.
ახალი მფლობელი ამასთანავე იღებს ვალდებულებას პიაცას მოვლისა და შენობების არქიტექტურის შენარჩუნებაზე. თვითმმართველობის საკუთრებაში რჩება პიაცა, სადაც შესვლა და სხვადასხვა სახის ღონიძიების გამართვა შესაძლებელი იქნება.
პიაცას კოშკისა და მიმდებარე შენობების ახალი მფლობელი შპს ,,პიაცა ჰოლდინგია", რომელთანაც ხელშეკრულება 17 აპრილამდე გაფორმდება.
მასალის გამოყენების პირობები