ს.ს. ენერგო-პრო ჯორჯიამ დაასრულა სოფელ წეროვანის ინდივიდუალური გამრიცხველიანება. სოფელ წეროვანში თანამედროვე ევროსტანდარტების შესაბამისი მრიცხველები დაუმონტაჟდა 806 აბონენტს. პროექტის ღირებულებამ შეადგინა 241 800 ლარი.
როგორც "ჯი-ეიჩ-ენს" ს.ს. ენერგო-პრო ჯორჯიადან აცნობეს, ზამთარში კლიმატური პირობების და მაღალმთიანი რელიეფის გამო ფერხდებოდა გამრიცხველიანების სამუშაოების წარმოება. თუმცა გაზაფხულის დადგომასთან ერთად სამუშაოები კიდევ უფრო ინტენსიურად გაგრძელდა.
გამრიცხველიანებასთან ერთად აქტიურად მიმდინარეობდა სარეაბილიტაციო სამუშაოებიც, რომლებიც მოიცავდა ქსელის მასშტაბურ რეაბილიტაციას, რომლის ფარგლებშიც მთლიანად შეიცვალა ამორტიზირებული კაბელები ახალი სადენებით, ძველი ხის ბოძები - ახალი რკინაბეტონის ბოძებით, გარემონტდა სატრანსფორმატორო პუნქტები და მნიშვნელოვნად გაუმჯობესდა ქსელის ინფრასტრუქტურა.
კომპანია განაგრძობს გამრიცხველიანების სამუშაოების წარმოებას და 2013 წლისთვის გამრიცხველიანებული იქნება მთელი საქართველო.
