რუსეთის ფედერაციის პრემიერ-მინისტრი ვლადიმერ პუტინი უკრაინის პრეზიდენტ ვიქტორ იანუკოვიჩზე დიდი წარმოდგენის არ არის. ამის შესახებ "ვიკილიქსის" ერთ-ერთ შეტყობინებაშია აღნიშნული.
დეპეშის თანახმად, უკრაინის ექს-საგარეო საქმეთა მინისტრმა კონსტანტინე გრიშენკომ, რომელიც ამჟამად რუსეთში უკრაინის ელჩია, 2009 წლის 8 იანვარს აშშ-ის ელჩს უილიამ ტეილორს განუცხადა, რომ გაზის გამო დაწყებულმა კონფლიქტმა მეზობელ სახელმწიფოებს შორის ისედაც დასუსტებული ორმხრივი ურთიერთობა გააუარესა.
გრიშენკოს თქმით, პუტინი "ვერ იტანდა" იმჟამინდელ პრეზიდენტ ვიქტორ იუშჩენკოს, არც იანუკოვიჩს სცემდა განსაკუთრებულ პატივს. ამდენად, იულია ტიმოშენკოს კანდიდატურას სანდო პირად თუ არა, იმ ადამიანად მაინც განიხილავდა, ვისთანაც შეიძლებოდა საქმის დაჭერა.