უკრაინის საგარეო საქმეთა მინისტრი ანდრი სიბიჰა რუსეთის მიერ „იაგოდინის“ გამშვებ პუნქტზე განხორციელებულ დარტყმებს გამოეხმაურა და დასავლელ პარტნიორებს „დაუყოვნებლივ მოქმედებისკენ“ მოუწოდა.
“რუსეთის ბარბაროსული დარტყმები უკრაინა-პოლონეთის სასაზღვრო-გამშვებ პუნქტ “იაგოდინზე” მხოლოდ ჩვენი სახელმწიფო საზღვრების წინააღმდეგ განხორციელებული თავდასხმების გაგრძელება არ არის. ეს პუტინის ტერორია, რომელიც პირდაპირ ევროკავშირისა და NATO-ს კარზე აკაკუნებს.
რუსი ბარბაროსები თქვენს კართან არიან, ძვირფასო პარტნიორებო.
იმოქმედეთ დაუყოვნებლივ - პუტინის აგრესიული რეჟიმის წინააღმდეგ სანქციების სრული ძალა გამოიყენეთ. მოსკოვმა საკუთარი ტერორის შედეგები უნდა იგრძნოს. არა ნახევარი ნაბიჯები, არამედ მკაცრი და გადამწყვეტი ზომები.
სრული სავაჭრო ემბარგო. ქვეყანაში შესვლის სრული აკრძალვა. სრული სანქციები სამხედრო-სამრეწველო კომპლექსის წინააღმდეგ.
პუტინმა უნდა გაიგოს, რომ მის ბარბაროსობას მოჰყვება გადამწყვეტი მოქმედება, რომელიც მისთვის ომის წარმოების ფასს მიუღებელ დონემდე გაზრდის.
ეს არის მისი შეჩერების ერთადერთი გზა“, - წერს ანდრი სიბიჰა.
