ირანის უზენაესმა ლიდერმა მოჯთაბა ხამენეიმ მუსლიმურ ქვეყნებს, განსაკუთრებით კი სპარსეთის ყურის სახელმწიფოებს, მოუწოდა, გაერთიანდნენ და „ნამდვილი მტრის“ წინააღმდეგ იმოქმედონ. მისი გზავნილი ისლამური ერთიანობის კვირეულის ფარგლებში გავრცელდა. იუწყება Reuters
ხამენეის განცხადებით, მუსლიმური ქვეყნების დაყოფა მათი მოწინააღმდეგეების ინტერესებს ემსახურება და მათ შორის თანამშრომლობისა და ურთიერთდაცვის გაძლიერებაა საჭირო.
„ისლამური ქვეყნების მმართველებისადმი, განსაკუთრებით დასავლეთ აზიისა და სპარსეთის ყურის ქვეყნებისადმი ჩემი დაჟინებული და არაერთგზის რეკომენდაციაა: ამოიცანით თქვენი ნამდვილი მტერი, გაიგეთ მისი გეგმა და დაუპირისპირდით“, - აცხადებს ხამენეი.
ირანის უზენაესმა ლიდერმა ასევე განაცხადა, რომ ის, ვინც მუსლიმებს შორის განხეთქილებას იწვევს, განზრახ თუ უნებლიედ, „ისლამის მტრების მიზანს ემსახურება“. მან ასევე დასვა კითხვა, იქნებოდა თუ არა პალესტინელების მდგომარეობა ასეთი მძიმე, მუსლიმური ქვეყნები ერთიანად რომ მოქმედებდნენ.
ცნობისთვის, მოჯთაბა ხამენეი 28 თებერვალს დაწყებული ომის შემდეგ ერთხელ გამოჩნდა. 9 აგვისტოს ირანულმა მედიამ სულიერი ლიდერის, მოჯთაბა ხამენეის ამსახველი ვიდეოკადრები გაავრცელა, სადაც ის რამდენიმე ადამიანთან ერთად იმყოფებოდა.
