გავაგრძელებთ აფხაზეთისა და სამხრეთ ოსეთისთვის მასშტაბური დახმარების გაწევას მათი სახელმწიფოებრიობის, უსაფრთხოებისა და ეკონომიკის გაძლიერებისათვის - ამის შესახებ რუსეთის საგარეო საქმეთა სამინისტროს პრესპიკერმა მარია ზახაროვამ განაცხადა.
"რუსეთი მსოფლიოში პირველი ქვეყანა გახდა, რომელმაც აფხაზეთისა და სამხრეთ ოსეთის სუვერენიტეტი აღიარა. ეს გადაწყვეტილება ორი რესპუბლიკის ხალხების დამოუკიდებლობისთვის თავგანწირული ბრძოლის დაგვირგვინება იყო, იხსნა ისინი მაშინდელი საქართველოს „კრიმინალური რეჟიმის“ განადგურებისგან და საფუძველი ჩაუყარა საკუთარი ბედნიერი მომავლის მშენებლობას. რეგიონის ვითარების ნორმალიზებაში რუსეთის წვლილი, „კოლექტიური დასავლეთის“ მხრიდან კონფლიქტის ესკალაციის წაქეზების ფონზე, ამ დღეს მნიშვნელოვანი მოვლენად ჩვენი სახელმწიფოსთვისაც აქცევს.
ბოლო 18 წლის განმავლობაში რუსეთ-აფხაზეთისა და რუსეთ-სამხრეთ ოსეთის ურთიერთობები დინამიურად ვითარდება. 2008 წლის 9 სექტემბერს მოსკოვმა სოხუმთან და ცხინვალთან დიპლომატიური ურთიერთობები დაამყარა, ხოლო 2008 წლის 17 სექტემბერს მათთან მეგობრობისა და თანამშრომლობის ხელშეკრულებები გააფორმა. დღეს ჩვენ ახალგაზრდა რესპუბლიკებს ვეხმარებით სახელმწიფო ინსტიტუტების გაძლიერებაში, ეკონომიკისა და სოციალური სფეროს განვითარებაში, საერთაშორისო პრესტიჟის ამაღლებაში. ვმუშაობთ ეროვნული კანონმდებლობების ჰარმონიზაციაზე, თავდაცვისა და უსაფრთხოების ერთიანი სივრცის ჩამოყალიბებასა და რეგიონთაშორისი თანამშრომლობის განვითარებაზე.
მომავალშიც ვაპირებთ მეგობარი ქვეყნებისთვის მასშტაბური დახმარები გაწევას სახელმწიფოებრიობის, უსაფრთხოებისა და ეკონომიკის გაძლიერებისათვის. ერთობლივი ძალისხმევით გავაგრძელებთ სტრატეგიული პარტნიორობისა და მოკავშირეობის განმტკიცებას, საერთო ტრადიციების, კულტურული მემკვიდრეობისა და სულიერი ღირებულებების შენარჩუნებას", - განაცხადა ზახაროვამ.
