რუმინეთის პარლამენტის დეპუტატების ინიციატივა, რომელიც რუმინეთისა და მოლდოვის გაერთიანებას ეხება, წარმომადგენელთა პალატამ მიიღო.
მედიის ცნობით, ოთხშაბათს, 24 ივნისს, რუმინეთის პარლამენტის ქვედა პალატამ მოლდოვასთან გაერთიანების თაობაზე კანონპროექტი მიიღო, მას შემდეგ, რაც კონსტიტუციით გათვალისწინებული 45-დღიანი ვადა ამოიწურა. კანონპროექტი ახლა პარლამენტის ზედა პალატაში - სენატში გაიგზავნა.
პროექტი პარლამენტში 14 აპრილს იყო წარდგენილი. მას მთავრობამ უარყოფითი შეფასება მისცა, ასევე უარყოფითი დასკვნები გამოიტანეს შესაბამისმა კომიტეტებმა.
ინიციატივა მთავრობას ავალდებულებს, დაიწყოს მოლაპარაკებები მოლდოვასთან შესაძლო გაერთიანებაზე და პროცესი საერთაშორისო პარტნიორებსაც აცნობოს, მათ შორის ევროკავშირს, ნატო-ს, გაერო-სა და აშშ-ს.
