შვეიცარიის მთავრობამ განაცხადა, რომ აშშ-სა და ირანს შორის პირველი მოლაპარაკებები პარასკევს შვეიცარიაში, ბიურგენშტოკის მთის კურორტზე გაიმართება.
ოფიციალური ინფორმაციის მიხედვით, შეხვედრა მოჰყვა თეირანსა და ვაშინგტონს შორის ცეცხლის შეწყვეტის შეთანხმების გაფორმებას. დაგეგმილია, რომ მოლაპარაკებებში მონაწილეობას მიიღებენ აშშ-ისა და ირანის წარმომადგენლები, ასევე შუამავლები პაკისტანიდან, კატარიდან და სხვა ჩართული ქვეყნები.
შვეიცარიის მთავრობის განცხადებით, საუბრები პირველ ეტაპზე შეთანხმების შესრულების მექანიზმებს შეეხება.
შვეიცარიის საგარეო საქმეთა სამინისტროს განცხადებით, ამ ეტაპზე დამატებითი ინფორმაცია აშშ-სა და ირანს შორის დაგეგმილი შეხვედრის გრაფიკისა და დეტალების შესახებ არ არსებობს.
„ამ დროისთვის არ არის ხელმისაწვდომი დამატებითი ინფორმაცია შეხვედრის გრაფიკისა და დეტალების შესახებ“, - ნათქვამია უწყების განცხადებაში.
