10 ივნისის ღამეს უკრაინულმა ძალებმა რაკეტებისა და დრონების გამოყენებით იერიში მიიტანეს რუსეთის ქალაქ ჩებოქსარში მდებარე სამხედრო ქარხანაზე, ასევე სამარის ოლქში მდებარე „კუიბიშევის“ ნავთობგადამამუშავებელ ქარხანაზე.
უკრაინის პრეზიდენტის, ვოლოდიმირ ზელენსკის განცხადებით, დარტყმები გაგრძელდება.
"რუსეთის სამხედრო და ნავთობის ინდუსტრიის ობიექტებზე დარტყმებს ვაგრძელებთ. კერძოდ, ღამით, უკრაინულმა FP-5 „ფლამინგოს“ რაკეტებმა ჩებოქსარში სამხედრო ქარხანას დაარტყეს, რომელიც ოკუპანტის არმიას დრონებისა და რაკეტების კომპონენტებით ამარაგებს.
ასევე, გასული ღამის განმავლობაში დაზიანდა სამარის ოლქში მდებარე „კუიბიშევის“ ნავთობგადამამუშავებელი ქარხანა. ის ფრონტის ხაზიდან 900 კილომეტრზე მეტი მანძილით არის დაშორებული.
მადლობას ვუხდი სპეციალური ოპერაციების ძალების, უპილოტო სისტემების ძალებისა და უკრაინის სამხედრო დაზვერვის მებრძოლებს.
ასევე შედეგი მოჰყვა უკრაინის უსაფრთხოების სამსახურის მიერ განხორციელებულ სრულიად სამართლიან საპასუხო მოქმედებას - ვლადიმირის ოლქში მდებარე ნავთობის ინფრასტრუქტურის ორ ობიექტზე, რომლებიც ფრონტის ხაზიდან დაახლოებით 700 კილომეტრით არიან დაშორებული“, - წერს ზელენსკი.
