ეროვნული უსაფრთხოების კონცეფციის განახლება რუსეთ-საქართველოს ომმა განაპირობა, _ ამის შესახებ ჟურნალისტებს თავდაცვისა და უშიშროების საპარლამენტო კომიტეტის თავმჯდომარემ გივი თარგამაძემ განუცხადა.
"ბუნებრივი საქართველოსთვის რუსეთი მთავარი საფრთხეს წარმოადგენს, რაც ბოლო დროინდელმა მოვლენებმაც ნათლად დადასტურა. სწორედ 2008 წელის ომის შემდეგ გახდა ახალი კონცეფციის შექმნა აუცილებელი და აქედან გამომდინარეობს ის აქცენტები, რომელიც ქვეყნის თავდაცვისუნარიანობის გაზრდას ეხება", - აღნიშნა თარგამაძემ.
მისივე შეფასებით, ასეთი დოკუმენტის არსებობა პირველ რიგში მთელი ხელისუფლების კოორდინირებული მუშაობისთვის არის მნიშვნელოვანი.
"ეს დოკუმენტი იძლევა იმის საშუალებას, რომ თავიდან ბოლომდე მოხდეს იმ ვითარების გააზრება, რომლის წინაშეც სახელმწიფო დგას.
ჩვენ ვსწავლობთ ჩვენს ახლო წარსულზე, შეცდომებზე და იმ მოვლენებზე, რომელიც განვითარდა და შესაბამის დასკვნებს ვაკეთებთ", - განაცხადა გივი თარგამაძემ და აქვე აღნიშნა, რომ აღნიშნული გამოწვევებიდან გამომდინარე ქვეყნისთვის ერთ-ერთი მთავარი პრიორიტეტი თავდაცვისუნარიანობის გაზრდაა.
