რუსეთის ნიჟნი ნოვგოროდის ოლქის ქალაქ კსტოვოში მდებარე ნავთობგადამამუშავებელ ქარხანაზე დრონებით შეტევა განხორციელდა.
„ღამისა და დილის საათებში ნიჟნი ნოვგოროდის ოლქში ჩამოაგდეს 30 უპილოტო საფრენი აპარატი… ნამსხვრევების ვარდნამ გამოიწვია ორი სამრეწველო ობიექტის დაზიანება და შემდეგი ხანძარი კსტოვოს რაიონში,“ - განაცხადა ოლქის გუბერნატორმა გლებ ნიკიტინმა
მან ასევე აღნიშნა, რომ მიმდინარეობს ხანძრის ლოკალიზაცია და შედეგების ლიკვიდაცია. ოფიციალურად არ დაკონკრეტებულა, კონკრეტულად რა იწვის.
ამასთან, უსული ტელეგრამ-არხი Astra ადგილობრივ მოსახლეებზე დაყრდნობით იუწყება, რომ ქალაქში აფეთქებების ხმა ისმოდა და ძლიერი ხანძარი გაჩნდა.
გავრცელებული ინფორმაციით, იერიშის სამიზნე იყო ნავთობგადამამუშავებელი ქარხანა „ლუკოილ-ნიჟეგოროდნეფტეორგსინთეზი“.
კადრებსა და ფოტოებში, რომლებსაც არხი ავრცელებს, ჩანს კვამლის სვეტები და საწარმოს ტერიტორიაზე ღია ხანძარი.
Astra-ს შეფასებით, დაზიანდა ნავთობგადამამუშავებელი ქარხნის სამხრეთ-დასავლეთ ნაწილში მდებარე ობიექტი.
