აშშ-ის ვიცე-პრეზიდენტი ჯეი დი ვენსი ისლამაბადში გაემგზავრა ირანთან მოლაპარაკებების მორიგი რაუნდისთვის, რომელიც სამშაბათს გაიმართება. ამის შესახებ წერს Axios წყაროებზე დაყრდნობით იუწყება.
აშშ-ის პრეზიდენტმა დონალდ ტრამპმა მანამდე განაცხადა, რომ ცეცხლის შეწყვეტის ვადის გახანგრძლივება ნაკლებად სავარაუდოა და ირანის ხიდებსა და ელექტროსადგურებზე ახალი დაბომბვის დაწყებითაც დაიმუქრა.
ამასთან, გამოცემა აღნიშნავს, რომ ტრამპმა ფაქტობრივად კიდევ ერთი დღე დაამატა ცეცხლის შეწყვეტის შეთანხმებას. მიუხედავად იმისა, რომ ორკვირიანი ვადა სამშაბათს იწურება, მან ორშაბათს განაცხადა, რომ საბოლოო ვადა ოთხშაბათის საღამოა.
თეთრი სახლი მთელი ორშაბათის განმვალობაში ელოდებოდა თეირანის სიგნალს, რომ ირანი თავის მომლაპარაკეელთა გუნდს ისლამაბადში გაგზავნიდა. ამასთან, სიტუაციასთან დაკავშირებული წყაროს ინფორმაციით, ირანელები მოლაპარაკებებს აჭიანურებენ „ისლამური რევოლუციის გუშაგთა კორპუსის“ მხრიდან მოლაპარაკებებზე ზეწოლის ფონზე, რათა უფრო მკაცრი პოზიცია დაიკავონ: მოლაპარაკებები არ დაიწყოს აშშ-ის ბლოკადის მოხსნამდე.
ირანის გუნდი ელოდებოდა ქვეყნის უზენაესი ლიდერის „მწვანე შუქს“ და, წყაროს თქმით, ეს ნებართვა ორშაბათ საღამოს მიიღეს.
ამასთან, დონალდ ტრამპის წარმომადგენლები — სტივ უიტკოფი და ჯარედ კუშნერი — ასევე გაემგზავრებიან ისლამაბადში მოლაპარაკებებში მონაწილეობის მისაღებად.
