ხმების დაახლოებით 99%-ის დათვლის შემდეგ, ოპოზიციური პარტია „ტისა“ უნგრეთის პარლამენტში საკონსტიტუციო უმრავლესობას მოიპოვებს.
უნგრეთის ეროვნული საარჩევნო კომისიის მონაცემების თანახმად, დათვლილია ხმების 98.94%, რომლის მიხედვითაც პეტერ მაგიარის ოპოზიციური პარტია „ტისა“ ქვეყნის 199 ადგილიან პარლამენტში ერთპარტიულ საკონსტიტუციო უმრავლესობას ჩამოაყალიბებს.
უნგრეთის საპარლამენტო არჩევნებში ოპოზიციურმა პარტიამ „ტისამ“ ხმების 53.07% მიიღო. მოქმედმა მმართველმა პარტიამ „ფიდესმა“ 38.43%, ხოლო ულტრამემარჯვენე „მი ჰაზანკმა“ 5.83% მიიღო.
არსებული მონაცემებით, „ტისა“ პარლამენტში 138 მანდატს მიიღებს, „ფიდესი“ - 55-ს, ხოლო პარტია „მი ჰაზანკი“ - 6-ს. საკონსტიტუციო უმრავლესობისთვის 133 მანდატია საჭირო.
