ეს არის ამერიკის შეერთებული შტატების გამარჯვება, რომელიც პრეზიდენტმა დონალდ ტრამპმა და ჩვენმა საოცარმა სამხედროებმა შესაძლებელი გახადეს, - ასე ეხმიანება თეთრი სახლის პრესსპიკერი ქეროლაინ ლევიტი აშშ-სა და ირანს შორის მიღწეულ ცეცხლის შეწყვეტის შეთანხმებას.
"ოპერაცია "ეპოკური მრისხანება" თავიდანვე, პრეზიდენტმა ტრამპმა შეაფასა, რომ ეს ოპერაცია. 4-დან 6 კვირამდე გაგრძელდებოდა.
ჩვენი სამხედროების წარმოუდგენელი შესაძლებლობების წყალობით, ჩვენ 38 დღეში მივაღწიეთ და გადავაჭარბეთ ჩვენს მთავარ სამხედრო მიზნებს", - წერს ლევიტი.
მისი თქმით, ამერიკელი სამხედროების წარმატებამ შექმნა მაქსიმალური ბერკეტი, რამაც დონალდ ტრამპსა და მის გუნდს საშუალება მისცა ეწარმოებინათ რთული მოლაპარაკებები, რომლებმაც ახლა გახსნა გზა დიპლომატიური გადაწყვეტისა და გრძელვადიანი მშვიდობისთვის.
"გარდა ამისა, პრეზიდენტმა დონალდ ტრამპმა უზრუნველყო ჰორმუზის სტრუტის ხელახლა გახსნა. არასოდეს შეაფასოთ არასათანადოდ პრეზიდენტ ტრამპის უნარი, წარმატებით დაიცვას ამერიკის ინტერესები და მიაღწიოს მშვიდობას“, - წერს ქეროლაინ ლევიტი.
