მთავრობის ადმინისტრაციასთან ცხოველების უფლებების დამცველები აქციას მართავენ.
აქციაზე მოქალაქეები შინაური ცხოველებით მივიდნენ, ასევე ბანერებით შემდეგი წარწერებით : „არა მკვლელ კანონს", „ვეძებთ გამქრალ 9000 ძაღლს", „სად გაქრნენ ჩვენი მეგობრები", „არ დაგითმობთ ცუგებს".
მიუსაფარი ცხოველების დამცველები ითხოვენ ცხოველების „პირვანდელ არეალში დაბრუნების“ ვალდებულება გაიწეროს კანონშიც, განკარგულებებშიც და, რაც მთავარია, უნდა დაინერგოს პრაქტიკაშიც. მათი თქმით, N412 განკარგულებიდან ამოსაღებია ბუნდოვანი ჩანაწერი (მუხლი 3, პუნქტი 3) დაბრუნების არეალის შეზღუდვაზე.
აქციის მონაწილეები ასევე ითხოვენ, სურსათის ეროვნულმა სააგენტომ ნებისმიერ მიმკედლებელს თუ დაინტერესებულ მოქალაქეს უნდა მიაწოდოს ოფიციალური, დოკუმენტებით გამყარებული ინფორმაცია იმაზე, თუ სად იმყოფება/სად დასვეს ნებისმიერი გაუჩინარებული ცხოველი.
ფოტო: "ტვ პირველი"
