ევროპარლამენტმა რუსეთის წინააღმდეგ შესაძლოა სანქციები დააწესოს.
შესაბამისი წინადადებები გუშინდელ სხდომაზე ევროპარლამენტის წევრთა მხრიდან გაჟღერდა. ისინი ითხოვენ შეიქმნას შედეგზე ორიენტირებული სპეციალური ჯგუფი, რომლის შემადგენლობაშიც ევროპარლამენტთან ერთად, რუსე|თს შინაგან საქმეთა და იუსტიციის სამინისტროების წარმომადგენლებიც შევლენ.
"ფაქტია, რომ რუსეთში ადამიანის უფლებების დარღვევისა და სამოქალაქო საზოგადოებაზე ზეწოლის ფაქტები ყოველდღიურად ჩვეულებრივ მოვლენად იქცა. კორუფციამ და უსამართლობამ მარტო გასულ წელს რუსეთის 300 ათასი მოქალაქე აიძულა ქვეყნიდან წასულიყო. მივმართავ საბჭოს _ გამოვიყენოთ სანქციები რუსი პოლიტიკოსების წინააღმდეგ. ორგანიზაცია ვალდებულია მსგავსი რეზოლუცია მიიღოს. ჩვენ ვერ გვექნება რუსეთთან ნორმალური ურთიერთობები მანამ, ვიდრე იქ ასეთი მდგომარეობაა. მოდით სიმართლეს თვალებში ჩავხედოთ", - განაცხადა ვროპარლამენტის წევრმა კრისტინა ოჯულანდიმ.
ორგანიზაციის კიდევ ერთი წარმომადგენლის ვატსონ გრაჰემის განცხადებით კი, რუსეთის წინააღნდეგ შემოღებული სანქციები ძალიან მკაცრი უნდა იყოს.
"მჯერა, რომ საბჭო მოახერხებს მიიღოს გადაწყვეტილება, რომლის მიხედვითაც რუს ჩინოვნიკებს სანქციებს დავუწესებთ. სანქციები უნდა იყოს ძალიან მკაცრი: დავუყადაღოთ ანგარიშები ევროპულ ბანკებში. არ დავუშვათ, რომ მათთმა შვილებმა მიიღონ განათლება ჩვენს სკოლებსა და უნივერსიტეტებში. არ დავუშვათ, რომ მოპარული და უკანონოდ მოპოვებნული ფული ჩვენს კურორტებზე დახარჯონ. ჩვენ ასე ვექცევით ყველა ქვეყნის ლიდერს და მის ჩინოვნიკებს, რომლები ადამიანის უფლებებს არღვევენ. რატომ უნდა იყოს რუსეთი გამონაკლისი?", - განაცხადა გრაჰემმა სხდომაზე.
ევროპარლამენტის წევრების აზრით, რუსეთი მნიშვნელოვანი პარტნიორია, მაგრამ არ შეიძლება მას "მოკლული ჟურნალისტები და უფლებათა დამცველები, პოლიტიკურად ანგაჟირებული სასამართლოები და კორუმპირებული მოსამართლეები" ეპატიოს.
