საქართველოს საფეხბურთო ნაკრების წევრები პატრიარქის დაკრძალვაზე დასასწრებად ჩამოვიდნენ.
ფეხბურთელები სამების საკათედრო ტაძარში მივიდნენ. ასევე, სამებაში იმყოფება ეროვნული ნაკრების მთავარი მწვრთნელი, ვილი სანიოლი.
ყოვლადწმინდა სამების საპატრიარქო ტაძარში, სადაც საქართველოს კათოლიკოს-პატრიარქი ილია მეორეა დასვენებული, წირვა მიმდინარეობს, რომელსაც სრულიად საქართველოს საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), საქართველოს ეკლესიის წმინდა სინოდის წევრებთან ერთად აღასრულებს.
15:00 საათზე სრულიად საქართველოს კათოლიკოს-პატრიარქ ილია II-ს გამოასვენებენ ყოვლადწმინდა სამების სახელობის საპატრიარქო ტაძრიდან სიონის საპატრიარქო ტაძრისაკენ სამგლოვიარო ფეხით მსვლელობით.
ფოტო: პირველი არხი
