რუსეთის უსაფრთხოების საბჭოს მდივნის, სერგეი შოიგუს თქმით, უკრაინული დრონების განვითარებისა და გამოყენების დინამიკა ისეთია, რომ უკვე რუსეთის ვერც ერთი რეგიონი იგრძნობს თავს დაცულად.
„ჯერ კიდევ ცოტა ხნის წინ ურალი მიუწვდომელი იყო უკრაინის ტერიტორიიდან საჰაერო დარტყმებისთვის, ხოლო დღეს უკვე უშუალო საფრთხის ზონაშია“, – განაცხადა შოიგუმ.
შოიგუმ ასევე აღნიშნა, რომ ურალში თავმოყრილია მნიშვნელოვანი სატრანსპორტო ინფრასტრუქტურაც, მათ შორის დიდი სარკინიგზო მაგისტრალები. მისივე თქმით, მათი მწყობრიდან გამოყვანა დიდ ეკონომიკურ დანაკარგს მოიტანს.
„მათი მწყობრიდან გამოყვანამ, შეიძლება, არა მხოლოდ მნიშვნელოვანი ეკონომიკური ზიანი მოიტანოს, არამედ გამოიწვიოს დიდი აგლომერაციების ცხოვრების დესტაბილიზაციაც, მიწოდების ჯაჭვების დარღვევა, მათ შორის იმ კრიტიკულად მნიშვნელოვანი სისტემების, რომლებიც „სპეციალურ სამხედრო ოპერაციას“ უზრუნველყოფს“, – განაცხადა სერგეი შოიგუმ.
