აშშ-ის პრეზიდენტმა დონალდ ტრამპმა უკრაინის ლიდერ ვოლოდიმირ ზელენსკის სატელეფონო საუბრისას განუცხადა, რომ სურს სწრაფად მიაღწიოს სამშვიდობო შეთანხმებას. ამის შესახებ Axios უკრაინულ წყაროებზე დაყრდნობით იუწყება.
„ზელენსკიმ თქვა, რომ იმედოვნებს, რომ ომი წელს დასრულდება, რაზეც ტრამპმა უპასუხა, რომ ომი ძალიან დიდი ხანია მიმდინარეობს და მას სურს, რომ ის ერთ თვეში დასრულდეს,“ - განუცხადა წყარომ გამოცემაას.
Axios აღნიშნავს, რომ ტრამპსა და ზელენსკის შორის ნახევარსაათიანი საუბარი პირველად გაიმართა მას შემდეგ, რაც ორი ლიდერი ერთმანეთს დავოსში შეხვდა.
გამოცემა ასევე წერს, რომ „ტრამპსა და ზელენსკის შორის სატელეფონო საუბარი ძალიან მეგობრული და პოზიტიური იყო“.
„საუბარი რუსეთის მიერ უკრაინაში შეჭრის მეოთხე წლისთავიდან მეორე დღეს და ტრამპის წარმომადგენლების, ჯარედ კუშნერისა და სტივ უიტკოფის, ჟენევაში ზელენსკის მომლაპარაკეველთა გუნდთან შეხვედრამდე ერთი დღით ადრე შედგა,“ - აღნიშნავს გამოცემა.
