აშშ-ის სახელმწიფო მდივანმა, მარკო რუბიომ, განაცხადა, რომ შეერთებულმა შტატებმა ჯერ არ იცის, რამდენად სერიოზულად უყურებს რუსეთი უკრაინის წინააღმდეგ ომის დასრულების შესახებ მოლაპარაკებებს, თუმცა გააგრძელებს ამ საკითხის მონიტორინგს.
ამის შესახებ რუბიომ მიუნხენის უსაფრთხოების კონფერენციაზე გამოსვლისას განაცხადა.
რუბიომ აღნიშნა, რომ გადასაჭრელი საკითხების სპექტრი შემცირდა, თუმცა, მისი თქმით, კვლავ რჩება რთული კითხვები, „რომლებზეც პასუხის გაცემა რთულია“.
„ჩვენ არ ვიცით, რუსები სერიოზულად არიან თუ არა განწყობილი ომის დასრულებასთან დაკავშირებით. ისინი ამბობენ, რომ ასეა. და რა პირობებში არიან ისინი მზად ამის გასაკეთებლად და შევძლებთ თუ არა უკრაინისთვის მისაღები პირობების პოვნას. მაგრამ ჩვენ გავაგრძელებთ ამის შემოწმებას. ისინი ამბობენ, რომ სურთ ომის დასრულება... ამერიკა თავის მხრივ აპირებს გააგრძელოს რუსეთის ნავთობზე სანქციების დაწესება”, - განაცხადა მარკო რუბიომ
რუბიო დარწმუნებულია, რომ შეერთებულმა შტატებმა უკრაინასა და რუსეთს შორის მოლაპარაკებებში პროგრესის მიღწევა მოახერხა." არ მგონია, ამ ოთახში ვინმე წინააღმდეგი იყოს ამ ომის მოლაპარაკებების გზით მოგვარებისა, თუ პირობები სამართლიანი და მდგრადი იქნება“, - განაცხადა რუბიომ.
