BBC-სგან“ დიდი იმედი არ გვქონდა, რომ საკუთარ თავს რაიმეს დააბრალებდნენ, როცა ასეთ ფალსიფიკაციას მხარს უჭერ და აქვეყნებ, მაგრამ პროცესს მივყვებით, – ამის შესახებ პარლამენტის თავმჯდომარემ, შალვა პაპუაშვილმა განაცხადა.
„რამდენიმე დღის წინ მათი პასუხი მივიღეთ. რა თქმა უნდა, მათ წინასწარვე ჰქონდათ თავიანთი პოზიცია გამჟღავნებული, რომ ისინი საკუთარი ჟურნალისტების საქმიანობის გადახედვას არ აპირებენ. მათ პასუხშიც იგივე პოზიციაა. თავიდანვე ვთქვით და პროცედურებს მივყვებით. იურისტები უკვე მუშაობენ საპასუხო მიმართვაზე, რომელიც, დიდი ბრიტანეთის კანონმდებლობიდან გამომდინარე, კიდევ ერთხელ BBC-ში უნდა გავასაჩივროთ, შიდა რეგულაციის მეორე დონეზე. BBC-სგან დიდი იმედი არ გვქონდა, როცა ასეთ ფალსიფიკაციას მხარს უჭერ და აქვეყნებ, რომ შემდეგ საკუთარ თავს რაიმეს დააბრალებდნენ, მაგრამ პროცესს მივყვებით. გამოცდილება გვეუბნება, სადაც რომელიმე უცხო სახელმწიფო, ორგანიზაცია შეეჭიდა საქართველოს, ყველგან დამარცხდა, აქაც მწარე მარცხს ნახავთ. BBC-იმ ეს შანსი არ გამოიყენა და მათ წინასწარი განწყობა გაამხილეს. ვიდრე საჩივარს გაეცნობოდნენ, არგუმენტებზე დაფიქრდებოდნენ, ანალიტიკურ ანალიზს ჩაატარებდნენ, მათი პირველივე რეაქცია იყო, რომ მხარს თავიანთ ჟურნალისტს უჭერდნენ. ყველაფერთან ერთად გაამხილეს, რომ შიდა გასაჩივრების სისტემა ფარსია, რაც ბრიტანეთში არსებობს, რადგან მას არანაირი შედეგი არ აქვს. წინასწარ განწყობით თქვეს, რომ რაიმე კრიტიკულ ანალიზს არ აპირებენ. ამ პასუხით დაადასტურეს, რომ მიზანია, ქვეყანა დაეზიანებინათ, არ უნდათ, ამას გადაუხვიონ. პროცედურას მივყვებით. დონალდ ტრამპს აკადრეს ისეთი ტყუილი, რომ მილიარდიანი სარჩელი ემუქრებათ. საქართველოსთან უკადრებელს კი არა, უარესს იკადრებდნენ“, – განაცხადა პაპუაშვილმა.
