"იმ ოქროს ზოდებს [დაკავებული ყოფილი მაღალჩინოსნები] თქვენი შვილებისთვის არ აგროვებენ დამიჯერეთ" - ამ სიტყვებით მიმართა 4 იქტომბრის საქმეზე მოწმედ მიყვანილ სპეცრაზმელს, იოსებ როსტიაშვილს ბრალდებულმა პოლიტიკოსმა, პაატა მანჯგალაძემ მას შემდეგ, რაც გდდ-ს თანამშრომელმა სხდომათა დარბაზში თქვა, რომ "აქციის მონაწილეები ქვეყანას ანგრევენ".
მანჯგალაძემ როსტიაშვილს უთხრა, რომ ადამიანები ქუჩაში, მისი შვილების მომავლისთვისაც იბრძვიან.
"თუ შეგიძლიათ ამიხსენით, რაში გამოიხატება ჩემი მხრიდან მომავლის დანგრევა? ქვეყნის უკეთესი მომავალი, დემოკრატია და ევროპა რომ მინდა, ამაში გამოიხატება? ჩვენ თქვენი შვილების მომავლისთვისაც ვიბრძვით და არ მგონია იგივე იყოს მეორე მხარეს. რას ნიშნავს ქვეყნის დანგრევა, აქ ჩემი შვილები სხედან. აქ ვინც ვართ, ვერავისზე ვერ ნახავთ, რომ პოლიციაზე აგრესია იყოს. ჩვენ თქვენი შვილებისთვისაც ვიბრძვით. არ გვინდა რადიკალიზება. იმ ოქროს ზოდებს თქვენი შვილებისთვის არ აგროვებენ დამიჯერეთ. კიდევ ერთხელ გეუბნებით, არ გვინდა ეს რადიკალიზება და მხარეთა პოზიციის ჩამოყალიბება, რომ რადგან ადამიანი აქციაზე არის, ის არის ქვეყნის დამანგრეველი. არ შეიძლება ასეთი პოლიტიზება პოლიციის. თქვენ პოლიციის ფიცი გაქვთ დადებული. პოლიციაც მოქალაქისთვის არსებობს, ხელისუფლებაც მოქალაქისთვის არსებობს. მითხარით, ვინ ჩამოუყალიბა ის აზრი პოლიციელს, რომ პაატა მანჯგალაძე არის ქვეყნის დამანგრეველი?“ , - უთხრა პაატა მანჯგალაძემ სპეცრაზმელს.
თბილისის საქალაქო სასამართლოში 4 ოქტომბრის აქციის საქმეზე ბრალდებული 10 პირის სასამართლო პროცესი მიმდინარეობს.
