აშშ-ის პრეზიდენტმა დონალდ ტრამპმა განაცხადა, რომ შეერთებულმა შტატებმა ვენესუელის პრეზიდენტის ნიკოლას მადუროს დაკავების ოპერაციის დროს გამოიყენა ახალი საიდუმლო იარაღი, რომელსაც ის The Discombobulator-ს[„დისკომბობულატორს“] უწოდებს.
ამის შესახებ ტრამპმა New York Post-თან ინტერვიუში თქვა.
ტრამპმა განაცხადა, რომ საიდუმლო იარაღმა „აღჭურვილობა მწყობრიდან გამოიყვანა“, როდესაც ამერიკული ვერტმფრენები კარაკასში 3 იანვარს მადუროსა და მისი ცოლის დასაპატიმრებლად ჩაფრინდნენ.
„დისკომბობულატორი. ამაზე საუბრის უფლება არ მაქვს“, - განაცხადა ტრამპმა ოვალურ კაბინეტში ექსკლუზიური ინტერვიუს დროს და აღნიშნა, რომ მას „ძალიან სურდა“ ამ იარაღის შესახებ მეტის მოყოლა.
„მათ ვერ შეძლეს რაკეტების გაშვება. მათ ჰქონდათ რუსული და ჩინური რაკეტები და არცერთი მათგანი არ აფრინდა. შევედით, მათ ღილაკებს დააჭირეს, მაგრამ არაფერი გამოვიდა. თუმცა ისინი სრული მზადყოფნით გველოდებოდნენ“, - თქვა აშშ-ის პრეზიდენტმა.
