გამოცემა The Telegraph წყაროებზე დაყრდნობით წერს, რომ დავოსში შეთანხმებული პირობების თანახმად, აშშ გრენლანდიის ტერიტორიის სხვადასხვა ნაწილს სუვერენულ ბაზებად გამოაცხადებს და შედეგად მათზე კონტროლის დამყარებას შეძლებს.
The Telegraph-ის ცნობით, შეთანხმების თანახმად, რომელიც ბრიტანეთისა და კვიპროსის შეთანხმების მსგავსია, არქტიკულ კუნძულზე ამერიკული ბაზები აშშ-ის ტერიტორიად ჩაითვლება. ეს საშუალებას მისცემს ამერიკას, კუნძულზე სამხედრო და სადაზვერვო ოპერაციები ჩაატაროს, მოაწყოს სწავლებები და ხელი შეუწყოს ადგილობრივ განვითარებას, მათ შორის, იშვიათი წიაღისეულის მოპოვების კუთხითაც.
ჩარჩო შეთანხმდა დონალდ ტრამპსა და ნატოს გენერალურ მდივანს, მარკ რუტეს შორის ოთხშაბათს საღამოს. როგორც გამოცემა წერს, ეს შეამსუბუქებს დანიის შიშებს, რომ აშშ კუნძულის დასაკავებლად ემზადება.
