აშშ-ის პრეზიდენტის დონალდ ტრამპის განცხადებით, ირანის უკანასკნელი შაჰის ვაჟი რეზა ფეჰლევი ძალიან სასიამოვნო ადამიანი ჩანს, თუმცა გაურკვეველია, შეძლებს თუ არა ის ირანში მხარდაჭერის მოპოვებას საბოლოოდ ხელისუფლებაში მოსასვლელად. ამის შესახებ ტრამპმა Reuters-თან ინტერვიუში განაცხადა .
„ძალიან სასიამოვნო ადამიანი ჩანს, მაგრამ არ ვიცი, როგორ მოიქცევა საკუთარ ქვეყანაში. ჩვენ ჯერ ამ ეტაპამდე არ მივსულვართ. არ ვიცი, მიიღებს თუ არა მისი ქვეყანა მის ლიდერობას და, რა თქმა უნდა, თუ მიიღებს, ჩემთვის მისაღები იქნება“, - განაცხადა ტრამპმა.
აშშ-ის პრეზიდენტმა განაცხადა, რომ შესაძლებელია თეირანის მთავრობა პროტესტების გამო დაეცეს.
„სინამდვილეში, ნებისმიერ რეჟიმს შეუძლია დაცემა. დავინახავთ, რა მოხდება – საინტერესო პერიოდი იქნება“, - თქვა დონალდ ტრამპმა.
